محشش يحكي حكايه‎ لا يفوتكوم !!!

.:. مسآء الخير .:.
كيفكم ... شخبآركم
محشش يقول لأخوانه قصه ... لآ تفوتكم
*.*.*.*.*.*.*.*.*.*.*.*.*.*.*.*.*.*.*



المحشش : كان ياما كان في قديم الزمان كان فيه أسد كبييييييير مرررره وشرااااني
كان يمشي في الغابه ويأكل من حشائش الأرض المزهره ...



أخوه : يالحبييييييب .. تأكد هو أسد ولا حمار .... بعدين وش حشائش مزهره مسوي فيها مثقف .. شف هي وحد من الثنتين .. يا إنك خبل ولا إنك خبل .. أختر أنت عاد ..!!


المحشش : المهم .. وبينما الأسد يمشي .. وقف عند سوبر ماركت .. وكان اللي يبيع فيها الفيل أبو زلومه .. فنظر إليه الأسد بكبرياء وقال له: أعطني ميرندا ياهذا ....
فقال الفيل : أتريد ميرندا فراوله أم ميرند حمضيات ....
فتبسم الأسد وقال : لقد أضحكت بطني ياهذا .. الا تعلم أن الميرندا فراوله هي شراب الملوك والعظماء وأن الغابه تزهر بالفراوله اللذيذه ..
هيا أعطني ميرندا حمضيات ثكلتك أم جدة اللي جابوك .. لأتوطى في بطنك ياالدب ..
فضحك الفيل ضحكة اهتزت لها جنبات المكان وذهب مهرولا لإحضار السفن اب ......!!!!!!
المهم أخذ الأسد الببسي وغادر المكان على عجل لكي يبحث عن فريسه جميلة الوجه .. وممشوقة القوام لها عينان تسر الناضرين ..


أخوه : شف يالخبل .. الخرابيط الأوله بنمشيها لك ... لكن بالنسبه للفريسه هذي عااااد قويه .. هو يبي الفريسه عشان يأكلها ولا عشان يكشخ فيها ..؟؟!! أقول .. خلك رجال أحسن لك ..


المحشش : المهم .. إن الأسد لقى أرنب صغير يتنطط في أرجاء الغابه .. ويمرح بين الحقول ..


أخوه : حشا ... فار هذا مووو أرنب ..


المحشش : فتقدم إليه الأسد بثقه كأنه سفينه تختال في رمال الصحراء الحارقه


أخوه : أقوووول . تحمدوا الله على نعمة العقل بس ..


المحشش : فقال الأسد للأرنب .. مارأيك أن أشاركك اللعب ياصغيري !!...؟؟
فرد الأرنب بدهاء يفوووق الوصف ويدل على ذكاء الثعالب : تريد أن تلعب معي .. عاااادي لي الشرف العظيم


أخوه : أي والله ذكاء .. لكن وش نقوول .. أنت شف من يتكلم وأعرف إن الموضوع كله لخبطة !!!


المحشش : فقال الأسد والشرر يتطاير من عينيه .. مارأيك ياصغيري أن نلعب عروسه وعريس ... وآخذ أنا دور العسكري وأنت تأخذ دور الحرامي ..!!


أخوه : والله الغابه الزينه .. إذا كان هذا ملكها .. أجل الباقين وش بيصيرون ..؟؟


المحشش : المهم .. طلب الأسد من الأرنب الصغير أن يختبئ في مكان . لكي يبحث الأسد عنه . وكان الأسد مبيت النيه على التهام الأرنب ... المهم .. ذهب الأرنب وتخفى وراء أحدى السيارات ..



أخوه : العن أم النصب .. وش هالغابه .. لكن الشرهه ميب عليك .. الشرهه على اللي جالس يقراك اللين اللحين ..


المحشش : وكان الأسد مغمض عين ومفتح عين .. عشان يشوف وين سوف يختفي هذا الأرنب اللعين ...
وعندما بدأت اللعبه أخذ الأسد يمشي وكأنه يبحث عن الأرنب المكار ..
وهو يعرف مكانه .. وجاء الأسد من خلف الأرنب لكي يلتهمه على عجل دون أن يلحظ الأرنب ذلك ... .. وعند هذه اللحظه ..
قفز الأرنب المكار قفزه مدويه .. !!
وباغت الأسد بهجوم مضاد ليس له مثيل .. ولطم الأسد على وجنته .. فأخذ الأسد يهرب مهرولا ..
والأرنب حاط رجله ورااااه .. والأسد يهرول.. وكأن على رأسه الطير..!!!!
والأرنب .. وراااااه ماسح طبلونه ...!!!!
ووثب الأرنب على الأسد من الخلف .. حتى أرداه أرضا .. وعندها التهم الأرنب الأسد .. وخلص الغابه من شروره .. !!!!!
وعاشت الحيوانات .. في فرح وسرور ..



أخوه : أنا الغلطان اللي اسمع لك .. !!
محشش هههههههههههههههههههههههههههههه


*.*.*.*.*.*.*.*.*.*.*.*.*.*.*.*.*.*
.. لكم مني أجمل تحيه .. [b]