رعشة ظما ,

على رعشة ظما جيتك .. أبي نظره على حالي
أبيك تشوف محبوبك .. كيف ان القدر خانه

أجيك وكلي ياصغري .. وقلب من الكبر خالي
وأحاول قد ما أقدر .. أدور للرضا خانه

آنا لو قلت آنا أحبك .. وحبك مشغل بالي
تصفق لي عروق القلب .. تغني لي على ألحانه

آخاف آطيح من عينك .. بعد ماكنت آنا غالي
آخاف آكون ذاك اللي .. فقد ربعه وخلانه

آخاف أني أصوّت لك .. وآصيح بصوتي العالي
وآخاف أنك تجاهلني .. وتنكر قلبي واعلانه

آنا وشلون أسولف لك ..؟ وأعبر لك عن احوالي
عطني فرصه وازهلها .. أخلي الدنيا رويانه

قلوب ترتجي وصلي .. وآنا أكبر منها بوصالي
أبيع قلوب حبتني .. وكل هذا على شانه

انادي له حبيب الروح .. تعال وخلك قبالي
تعال وكلي سميتك .. ( عقد لولو ومرجانه )

تعال وننسى دنيانا .. ونسكن برجنا العالي
ونكتب للحزن فارق .. ماعاد لدمعتك خانه

تفضل دامني خيلك .. حبيبي وانت خيّالي
قصيدة عشق سميتك .. وقلب ياكبر شانه

حبيبي لو تناسيتك .. أمانه منهو يبقالي؟
بشر ماهمهم قلبي .. بشر والدنيا خوّانه
ذاك بيفرح لموتي .. وذاك بيشمت بحالي
قلوب ماتعرف الحب .. على هالدنيا غلطانه

حبيبي لو بغيت الموت .. أبيك تكون قتّالي
بشرع الحب آنا مسامح .. أذا هالدنيا زعلانه

ولو ماودك بموتي .. أكون بسجنك أحلالي
سجينك من وسط سجنه .. يناديلك ياسجّانه

أحبك يالغلا دامك .. بقلبي الأول التالي
طيري في سما صدرك .. يرفرفلك بجنحانه

أبيك تعيشني قصة .. قبل موتي وترحالي
قبل لايندفن شوقي .. مدام كفوفي عطشانه

حبيبي طالبك طلبه .. اذا وصلك تهيّا لي
ترا عمر الزمن جافي .. ولو ضمتني أحضانه

أبيك تضمني حتى .. تشوف أنه هدا بالي
وأذا حسيت في روحي .. تراها حيل ولهانه

أبي أقهر قلوب البعض .. ومنها قلوب عذّالي
أبي أدبل كبود اللي .. بغت حزني وعنوانه

أبي لامنهم دروا عنك .. ترفع حاجبك عالي
رجيتك أسكت وطالع .. هذولا ناس مرضانه

فديت حجاجك ورمشك .. فديت الطيّب الغالي
فديت أسمك ,, أذا أسمك .. اهو قافي وعنوانه .[b]