جيت المكان ,

جيت المكان


جيت المكان اللي بدأ حبنا فيه

وامطرته عيوني بدمع الحنيني

وشكيت له قسوتك..وانكار ماضيه

يوم العهد .. وأيديك تحضن يديني

تعتب علي معذور.. بس الزعل ليه

وأنا اعترفت بغلطتي لك بحيني

لو قلبك أحد قال حبيت.. قلت أيه

شف كيف حبك.. قادر يسود فيني

هذا الدليل.. الساطع اللي لك أبديه

انك تحكم القلب.. حكم متيني

الى متى ناوي فؤادي تعنيه

تحرم عيوني منك.. ياشوف عيني

عمري بلا قربك.. وشوفتك مابيه

من دونك الدنيا.. ملل ياضنيني[b]