قصيده مليئه من حزن و الواقع مأساوي

اتمنى انكم تقرأووها كلها





لاتشتري من حاولو يخســـرونك
ولاتخسر الي فكر بيــوم يشريك
مافيه اجمل من صديـق يصـونك
ولا فيه اقسى من قريب يعاديك
انا ورب البيت لـــــــو يخــــذلونك
مهما حصل لايمـــكن اني اخليك






لاتحسب اني إذا ابطـــيت ناســيك
ماينسى عشرة صاحبه غير الانذال
حدتــني ظروفي على البعد لاجيك
هم بوســط القلــــب والدمع همال
ولا انت ياكـــل الغــــلا افتخـــر فيك
وحبك سكن داخل فـــؤادي ولا زال






خزنت لــك بالقــلـب عشــرة مــلايين
ماهو رصيد فلــــــــوس لكن مــــودة
زكـاة فطـرك تغـني جميع المســاكين
من الساحل الشرقي الى حــــد جده
وامشي معك والله على العسر واللين
والموت والمقســـوم محد (ن) يـــرده







يارفيق الدرب ماصـــدق نسيت
خابرك مهما تعذبـــني حنــــون
لاذكرت ايامك الحــــلوة بكيــت
ما تــهون ايام ودك مــا تهـــون
راحتي ويــاك لامنــك صغيـــت
في ثواني كلها بـوح وشـــجون
ولاقريت ابيات الرساله وانتهيت
ودي اعرف في حياتك من اكون






ياغايب عني لك الحــب ماغــــــاب
متى تجي تــشوف همـــي بعينك
ماطــاب لي جرح ولا خاطري طاب
متى يديني تحتضنـــــها يديــــــنك
ياصــــاحبي لــــو قالو الوقت كذاب
يكفي كلامـــــك ودافي حنيـــــنك
لو كان قصدي في الزمن كثر الاحباب
ماقــــلت ياساكـــــن الروح ويــــنك





فدوة عيونك لو غدت روح مغليك
وش عاد لو راحت لعينك عشايـر
ابيع مايغلى على الكون واشريك
واسوق لي جتني اعلومك بشاير
وازعل جميع الناس بالحيل وارضيك
واصـــــبر ولو دارت علـي الــدواير






مايصير انساك لا لا مايصير
في خفوقي لك محبه واحترام
قبلك الدنيا مثل حلم صغير
وعقبك الدنيا غرام في غرام
انت مثل النور في عين الضرير
لالمحتك مابقى حولي ظلام
فيك عمري فيك روحي والمصير
فيك كل ايام عمري والسلام






كتبت انا في تالي الليــل بيتيـــن
لعيون من يسوى جميع الخلايق
إلي معاهدني على الزين والشين
وإلي بشوفة يصبح الفكر رايـــق
الصاحب إلي منزله داخل العيــن
هو الخوي وقت السعه والضوايق






يفداك عمري يابعد عمر مغليك
وتفداك روحي والعيون وسهرها
ابيع كل الناس يازبن واشريـــك
والناس لأجلك مستعد اخسرها
امر وحنا ياهوى البال نرضيـــك
يابسمة ايام العمر ياقمــــــرها






حبٍ يغيب وصاحبه مابعد غاب
وحبٍ يدوم وصاحبه في غيابه
وحبٍ يذوب خافقٍ مابعد ذاب
وحبٍ يداوي صاحبه من عذابه
وحبٍ حياته كلها لوم وعتاب
وحبٍ حقيقي مايضرك عتابه
وحبٍ بلا معنى وحبٍ بلا اسباب
يبدأ غريب وينتهي في غرابه







سلام مني ياصلك فوق بطه
بطه كبيرة من كبار البطاطي
ياراكبٍ ديك سريع محطه
ان طار طاح ولا تشيله مواطي
بعض العرب ودك لسانه تربطه
وإذا انفلت زودٍ عليه الرباطي
والحبل في دنياك لازم تنطه
والشوي مايصلح بليا طماطي





سلام ياحـرٍ على بيض الاوكار
حرٍ مواقيعه بروس الجــــبالي
حـرٍ لــيـا وقع وحـرٍ لــيـا طــار
و حرٍ يهابونه قروم الرجــــالي
حلياه تذهل كل عاشق وصقار
عند العرب يضرب بطيبه مثالي






خاصـ لك ــ انت ــــــــــة
الخواطر سايحه والشــــك زال
ومن عرف مثلك عرف قيمة خويه
والذهب وان حاولـــوا ماله بدال
والمشاعر بالغلا ماهي خفيه
والنوايا الصافيه اصــــدق دلال
ويشهد الله شوفتك مثل الهديه







بعض المواقف تجي وتروح ماتبقى
وبعض المواقف صداها بالعمر باقي
ياصاحبي لامعي تتعب ولاتشقى
يتبدل الوقت واخلاقي هي اخلاقي
إن جيت ارحب واذا ماجيتني تبقى
مال الردي والطيب عهد وميثاقي






تفضل ترى بالقلب دارك ومنـــزالك
على ماتبي نفسي تجي وانت راعيها
ترفق بقــلب صرت تلعب به لحـــالك
يقول القصــــايد وانت بعده تغــــنيها
أحبك وأحب اسمك ورقمك وجـــوالك
وأحب الديار اللي رجولك مشت فيها






ماكل عين تذرف الدمع بأحزان
وماكل من يضحك يعيش بسعاده
كم واحد دمعه على الخد هتان
من زود همه يذرف الدمع عاده
يحاول انه يبتسم قدر الامــكان
ويضحك ونار الحزن تحرق فؤاده






عزاه ياقــــلب ظروفه تحــــداه
مامر به يوم من الـــهم سالي
وعزاه يا قـــلب فقد كل قـــواه
وشدة عليه الحمل سود الليالي
على حبيب مابقى غير ذكـــراه
اللي بنومي شفت زوله قبالي
وفزيت من نومي ابي القرب وياه
وجدت نفسي في فراشي لحالي






ماكل من يضحك بوجهك يـــودك
ولا كل من يبكي بكى صدق واحساس
أحدٍ بكى في غيبتك يوم صــــدك
وأحدٍ ضحك يومك عليل ومحتـــاس
عش في حقيـقه واعرف اللي يحبك
واعرف قدر من هو يعزك من الناس






سلام لك من صادق القلب مشروح
ياللي غلاك بداخل القلب مـــا راح
نــاس تجـــي وتروح ماهزت الروح
وناس غلاهــا ثابت وســط الارواح
ياللي بنيت من الوفــا قصر وصروح
قصر مشيّد مع هل الجود ماطــاح





ياصاحبي كلن يولم جــــــوازه
ترى رفيقك خاطره حيل تعبان
اسرع تراني متجه يـــم كازه
ودي ترافقني على خط تطوان
ناس كرمهم في بنات وقـــزازه
وحنا نحسب ان الكرم ذبح خرفان






ماني من اللي يرخص النفس لاضاق
ولاني من اللي يرخص اليوم غــالي
سبحان ربي كـرم النــفس بأخـــلاق
الطيـــب عمي ومصدر الجود خــالي
واللي يبيني يـــمه الــروح تنســـاق
واللي سلاني عنه القــــــلب سالي






وهذي مسجااااات حزن وعتااااااب




أخذت من الزمن حكمة
وتبقي للأبد نبراس
متي ماطال بي العمر
تبقي دوم بلساني





عرفت إن الخيانة طبع في عمر الزمن والناس
إذا ماخان بك واحد أكيد بيخون بك ثاني.





محتاجك بدنيا قست فيها قلوب البشر
محتاجك في وقت تعب مني الصبر
ياخوفي تغيب والوقت علي يمر
آآآه وياخوفي ماألقاك والدنيا بعدك ماتسر
حبيبي تعال تعال تعال لاتنسي
قلب صانك ولا عمره غـــــدر.




ماني الوحيد إللي من الحب مجروح
كم واحد بهدنيا من الحب قـــد صاح
بعــــض الألم ياخذ أيــــام ويروح
وبعض الألم تمضي له شهور وسنين ماراح
إذا الهوي عندك سواليف وضحك ومزوح
أنا بقلبي آهات وحزن والآم وتناهيد وجراح





إلتفت صوبي وعاهدني عهد
قبل تنساني تنسيني غلاك عفت أنا حبك
ومليت من دربك
وصار فراقنا أرحم
من التعذيب في نارك
انا مليت ذاك الحب
ولاعندي امل رجعه
لغيري وفر أعذارك
نويت أبعد
نويت أنساك
وإذا عيني لمحت عينك
نسيت كل ماقلته
" وحـــــبـــــيـــــتـــك "







أعرف انك ..
تعرف اني ..
( أحبـك )
مابهـا تشكيـك!
ولكنك ..
( بنفـس الوقـت )
تنـسى انـك
(نظـر عينـي)


نعم .. مجنون
مابيهـم..
يقولـوا : (ربنـا .. يشفيـك)
مادام ..
ان حبك جنوووونـي
( ( عسـى الله لايشافينـي ) )





كنتي
(مالي) و (ماسي) و (اذهبي)
كيف صار
(المنتصر) فيك (مغلوب)
لو شمال من الهوى
لو تغربــي!!
لو (شراعك) في (بحـــر)
غيري يجوب!
ما تلاقي مثل
((قلبي)).. وجربي!!
لا يمل..
ولا يخون..
ولا يتوب..!!






لو قلت لك قصة حياتي بالابيات
كان ادمعت عينك بدل دمعها دم
محبوس منها داخل العين عبرات
وقلبي في ذكراها حزين ومهتم
قصة تعاسه حزن آلام وآهات
جرح وعذاب القلب هم ورى هم






أصبر ياقلبي وأنتظر خل الحزن مكتوم
كل المعاني تغيرت وأتضحت الصوره
صار الصدق في هالزمن مثل الوفا معدوم
ونفوسنا تجرحت والفرحة مكسورة
كل المبادئ تنشري واللي معاه يسوم
حتي المشاعر ارخصت والكلمة مهدوره





تخيل وأنا جالس بين
الناس وحداني!
تذكرتك وقمت أضحك
بس العين زعلانه !
راحت تشتكي وتقول:
متى بشوف خــلاني ؟
وفجأه !
إذا بالناس بدت تسأل ؟
ورى عينك تصب الدمع ؟
عسى ماهو خبر شين ؟
تبسمت وقلت لهم:
لا ! جفون العين تعبانه !






بنيت للاحزان من عقب فرقاك
قصر طويل خالدٍ في حشايا
وطفيت شمعات الامل في ملا قاك
والله بموت الحب يجبر عزايا
مات الامل والقلب عامر بذكراك
ماعاد اميز ضحكتي من بكايا





دريت ان الوفا أصبح نهار ندفنه باليل
ودريت ان الصدق كذبه مثل كذبة مواويلي
وعرفت ان الأمل خيط تعلق به ضعيف الحيل
وانا أول من تعلق به وانا ادري فيه تضليلي
يموت الحلم في عيني وتشيله دمعتي وتسيل
ملامح وجهي دموع تعزيها مناديلي





غيرك امانه خوف والخوف امانك
ماكل من راعـاك تقـدر تراعيـه
حتى لو عليت بالقــلب شانـك
ابقى يتيم الحـب جرحي اقاسيـه
اعــذرك لا حطيت نفسي مكانك
لا صرت فاقد شي وشلون تعطيـه




وآخـــــــيراً
هذي حياتي بين حرف وكلمات
ياللي نشدتني وراك انت مغتم ؟





اذا كنت ناسيني
والرساله ذكرتك فيني
احذف الرساله
وارجع انساني
دام ان حبي
على قولك يوطي الراس
مع السلامه حبيبي وارفعه راسي





لا تظن القلب بعد المذله لك يميل
اعتبرني يا سيدي في حياتك عابر سبيل






اعلن رحيلك قدر الامكان
بس بفراق يكون باسلوب هادي
ما ودي بفرقى الم ودمع واحزان
ودي يكون فراقنا بشكل عادي






اذا طلع لك قلب وعرف تشتاق
تعال دورني تلقاني مكاني
وان كان قلبك نايم ما بعد فاق
خله الين يفوق مع جرح ثاني
ابشرك ما عاد يوجعني فراق
واقسى وجع فيني يزول بثواني





خطاي اني منحت الحب شخص وقابله بنكران
طمعت احسب طمع قلبي بحبك يكسب ارباحه
وعرفت انه ما تورثته من ابوي آدم طمع انسان
خسر ملك جنان وراحته باسباب تفاحه






من انا بحياتك؟؟
مجرد حبيب تسليت معاه
وبالنهايه تركته!
مجرد ذكرى مرت
بحياتك ونسيته!
أو معلم حبيبت يعلمك الغرام
وبالاخير جرحته




غرتك طيبه خفوقي لعن ابو جدك
صار التصدد في تالي الوقت لك عاده






ما يهمني حضنك لو كان دافي
هذاك يوم كل كلي فداياك
بيح جفاك بخاطري كل خافي
واليوم انا اكره من بدالي بطرياك






كلي اسف يا من اخطيت اختياري
كنت لي عزوتي وناسي
مدري انك اول اعدائي






لا عشق
لا حب
لاهم
صارت انا عندي شهاده
الشخص محد يحبه
غير بس هم والدينه





لا تغير الموضوع لا قلت وش فيك
اذا تبي الفرقى ترى الوضع عادي






نويت ارحل عن عيونك وابتعد
وانساك
واطوي صفحه الماضي
وكل اللي مضى وياك






انا ماني هذاك اللي اذا ضاقت عليه يعود
انا يالضيقه تنسفني يا اما الضيقه انسفها






من باعني برخيص
بتراب ينباع
وماني بحاجه لحب
راعيه خداع






شيل من راسك حكايه ترجع
ما بقالك في فؤادي متسع
انت جرح كان في طرف اصبعي
وابصراحه ما أذكر في اي صبع







الورد يذبل لي يبس منه العود
والماي لو عندي انا ما سقيتك
صحيح حبيتك على قدر محدود
وسر الخوافي في ضميري عطيتك
غشيم كنت احسبك تحفظ سدود
أثريك جاهل لاجل هذا رميتك






اتصل بي و اسال وسلم دام عيني منك مقهوره
هاجرني ليش ماترحم فرحتي وياك مكسوره
من شهر في الحب تتكلم وانت جاهل علم دستوره
والله انك صرت ما تفهم في معاني الحب و بحوره
غصب لاخليك تتعلم تحترم هذا القلب و شعوره




اتمنى ان تنال اعجابكم

مشكوووووووووووووووووور
ويعطيك الف الف عافيه
على الكلام الجميل
بودي

خزنت لــك بالقــلـب عشــرة مــلايين
ماهو رصيد فلــــــــوس لكن مــــودة
زكـاة فطـرك تغـني جميع المســاكين
من الساحل الشرقي الى حــــد جده
وامشي معك والله على العسر واللين
والموت والمقســـوم محد (ن) يـــرده

روحي ياشيخه وتعالي بسرعه هههههههههههه

يعطيك الف عافيه . ابدعتي وربي