السلام عليكم ورحمة الله وبركاته
كيفكم ان شاءلله بخير
يسعد صـباح الـفـقـرياللي تـذمَـينـه=في ذمتي ماانتي من الفقر معذوره
ماشلت هم الرغيف اللي تشيلينه=كل الهموم لسواد العين مـذخـوره
ماانــتي فـقيره تقولين اليسر وينه=ياقـطـعةالسكر مـن الملـح ميسوره
من علم الجوري انشودة بساتينه=من هز ريش النعاس اللي كساحوره
من ذكرالخيزران اللي نسى لينه=مـن جـدل الليل لــين اخـتال ديجوره
سلسالك الفضي-اصلاّ-لوتزمينه=ماراحت اكثرعـقــود الماس مغروره
والأزرق الـرث ياملحـه ويازينه=أبهى من أرض نهارالعـيد ممطــوره
مستورةالحال بس القاف تغرينه=لـيه أتــنحَى وأخــلي الحال مستـوره
والله لأغــنّي لفــقرٍغـنّــت سنينه=لـين أيسرالـمترفات تـموت مقهـوره
قــالـوا لي ان الجديل اللي تربّينه=مـعــه تــربّين حــلمٍ فاحــت عطــوره
قـالـوابــذاك الــركن سّرٍ تخبـيـنه=ومــرايـةٍ مــن رداة الحــظ مكسوره
لايـنكسرمثـلهاالخاطـروتشقـيـنه=تمنظري في المرايه حىّ هـالصوره
مذكورجرحٍ ورا الاضلاع تخفينه=وتحت المخده رسالة عشق مذكوره
اثرالهوى جا يسوق الشوق بيدينه=غصنٍ جفاه اليباس وزفّ عصفوره
يامن يكون الحبـيب اللي تحبّـينه=ياللي بـوجـه اللـيالي ثــره وثــوره
وقت مضى ملمس اللعبه تمنّينه=واليوم خضرالـقـلوب العاب منثـوره
الحزن ليه العيون السود في عينه=والبحّه اللي ترّد الــروح مـذعــوره
فــقــرٍ ستير ولا ازكى من رياحينه=ولا نعــيـمٍ فـضـوح تـغــرق زهــوره
الميّت اللي يـبي دعــوات حيّـينه=كنـتي وصاته ونزفــه وأخـرشعـوره
يازمة الغـيم وارخايةهـدب عينه=ماقـلت لك مانـتي من الفـقرمعذوره
وسلامتكم جميعاّ
موضوع: اجمل شعر سمعته 
الأربعاء 20 يناير - 0:20
