ممارسة النصب والاحتيال على السعوديين

السلام عليكم ورحمة الله ..


أكيد أغلبكم سمع أو حصل له موقف مع بعض النصابين ... اللي يحاولون يحصلون على رقم حسابك في البنك وياخذون بعض المعلومات منك

طريقة هالنصابين أنهم يتصلون عليك وغالبا ً تكون المتصلة امرأة ( عشان يكسبون ودك ويسحبون فيك ع الأصول ) ... وتقولك أنا من البحرين أو الإمارات أو أحد الدول المجاورة ... وبيكون سبب الاتصال أنك ربحت سيارة أو مبلغ مالي كبير

وماعليك ألا تعطيهم رقم حسابك عشان يحولولك المبلغ ...!!

بالنسبة لي حصل معي موقف قبل مدة مع أحد هؤلاء النصابين

دق جوالي ألو السلام وعليكم السلام ... قالي معك مدري مين من البحرين وزبده كلامه أني ربحت مبلغ مالي قدره 100 ألف ريال ... مقدم من وكالة مدري أيش ( ناسي أسمها ) .... قلت حلو 100 ألف > طاير من الفرحة

قالي نعم وماعليك ألا تعطينا رقم حسابك عشان نحول لك المبلغ .. فورا ً.. !!

قمت أحك راسي وأقول بقلبي بدينا .. قلت لا مايحتاج أنا أجيكم للبحرين واليوم بعد .. بس عطوني عنوانكم > 100 ألف تستاهل ياولد .. والبحرين كم ساعة أكون فيها
المهم وبدون أحم أو دستور سكر السماعة بوجهي !!

هنا عرفت أنه نصاب


واليوم واللي ذكرني بهالنصابين

اتصلت علي وحدة من الإمارات ... ألو .. هلا .. ممكن لو سمحت من وقتك خمس دقايق .. قلتلها آسف بس مشغول وأسكر الخط ...


نرجع للموضوع

أنا باعتقادي أن هؤلاء مافيا وعصابات ... يجون من بعض الدول العربية أو إفريقيا ويمارسون النصب على السعوديين غالبا ً..

الغريب في الأمر أنهم سحبوا الكثير من الأموال ... فما السبب برأيكم ؟ .. وماهي طريقتهم في سحب الأموال بعد أخذ رقم الحساب ؟
-وليش الشعب السعودي دائما ً مستهدف للنصب عليه ؟
-وهل سبق أن وقعت في فخ هؤلاء النصابين أو حاولوا بطريقة أو أخرى النصب عليك ؟


لكم حرية النقاش والاستنقاش ...

ولكم ودي

مووووضووع متعووووووب عليه ومبدع طال عمررك ولا هي غريبه على الووووووليد هيك مواضيع اما من نااااحيه النصب والاحتيال شوف وانا اتكلم برايي وبصراحه وبدون مجاااملات انه احنا اغبياء وسهل يضحك علينا ومو غريبه يقولك معك فلان الفلان والا وحده من نسمع صوتها نقوووول صااادقين وبعدين احنا شعب عاطفي وانت افهمها يالوليد((((( بصراحه ينضحك علينا ههههههههههههه)